Şriftin ölçüsü :

Saytın rəngi :

Azərbaycan Respublikasının Prezidenti cənab İlham Əliyevin Yeni Azərbaycan Partiyasının VIII Qurultayındakı nitqindən irəli gələn vəzifələrə həsr olunmuş müşavirə keçirilib.

15 oktyabr 2026 | 17:32

Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin Yeni Azərbaycan Partiyasının VIII Qurultayındakı nitqindən irəli gələn vəzifələrə həsr olunmuş müşavirə keçirilib.
Şabran Rayon İcra Hakimiyyətinin inzibati binasında keçirilən tədbirdə Şabran Rayon İcra Hakimiyyətinin başçısı Asif Hüseynov, YAP Şabran rayon təşkilatının sədri Mehdi Balabəyov, idarə, müəssisə və təşkilat rəhbərləri, eləcə də rayon ictimaiyyətinin nümayəndələri iştirak ediblər.
Tədbiri giriş sözü ilə açan Şabran Rayon İcra Hakimiyyətinin başçısı Asif Hüseynov çıxış edərək Yeni Azərbaycan Partiyasının VIII Qurultayının ölkəmizin ictimai-siyasi həyatında mühüm və tarixi bir mərhələ olduğunu diqqətə çatdırıb. Rayon rəhbəri bildirib ki, Partiyamızın sədri, Müzəffər Ali Baş Komandan, möhtərəm Prezident cənab İlham Əliyevin qurultaydakı proqram xarakterli nitqi qarşıda duran əsas strateji hədəfləri və prioritet istiqamətləri dəqiq müəyyənləşdirib. Qazanılan tarixi Zəfərlər, əldə olunan dinamik iqtisadi uğurlar və ölkəmizin beynəlxalq müstəvidə artan nüfuzu hər bir yerli strukturdan və idarə rəhbərindən daha böyük məsuliyyət, əzmkarlıq və fədakarlıq tələb edir.
Asif Hüseynov vurğulayıb ki, Şabran rayonunda da həyata keçirilən sosial-iqtisadi inkişaf layihələrinin davamlılığı təmin olunmalı, vətəndaş məmnunluğu ən yüksek səviyyədə saxlanılmalı, kənd təsərrüfatı, infrastruktur və turizm potensialından daha səmərəli istifadə edilməlidir. Eyni zamanda gənclərin vatanpərvərlik ruhunda tərbiyəsi, onların ictimai-siyasi süreçlərdə fəal iştirakı və ideoloji işin gücləndirilməsi diqqət mərkəzində saxlanılmalıdır. Rayon başçısı şabranlıların bundan sonra da möhtərəm Prezidentimizin ətrafında sıx birləşərək qarşıya qoyulan bütün tapşırıqları yüksək səviyyədə və vaxtında yerinə yetirəcəklərini ifadə edib.
Daha sonra müşavirədə rayonun təhsil, səhiyyə, mətbuat və gənclər təşkilatlarının nümayəndələri, eləcə də ictimaiyyət təmsilçiləri çıxış edərək, dövlət başçısının həyata keçirdiyi uğurlu daxili və xarici siyasəti qətiyyətlə dəstəklədiklərini bildiriblər. Çıxışçılar qurultay qərarlarından irəli gələn vəzifələrin yerlərdə layiqincə icra olunması, gənc nəslin təlim-tərbiyəsinin yüksəldilməsi və rayonun sosial-iqtisadi inkişafına töhfə verilməsi istiqamətində üzərilərinə düşən öhdəlikləri böyük məsuliyyətlə icra edəcəklərini diqqətə çatdırıblar.

Keçidlər